E ti, de quen vés sendo?...Pois logo non.
En Galicia, sabemos un pouco de prevención e defensa contra incendios forestais, no entanto, non deixa de ser un problema recorrente ao que se destinan anualmente unha importante cantidade de recursos tanto humanos como mecánicos.
A maior parte destes recursos céntranse na xestión de biomasa, un grande valor en Galicia, pero tamén unha maldición, sobre todo nestes tempos que nos tocou vivir.
Nesta charla, falaremos dos nosos desenvolvementos para o seguimento e control da rede de faixas de biomasa en Galicia, como as das estradas, núcleos de poboación ou infraestruturas. Para estas aplicacións empregamos tecnoloxías de teledetección e recoñecemento automático de vexetación por intelixencia artificial, o que nos permite identificar incumprimentos de control ou establecer un plan de priorización, monitorización e actualización en relación ao mantemento destas faixas de biomasa. Elementos críticos para reducir o risco e impacto dos incendios forestais en Galicia.
