2025-06-14 –, Track OpositaTest
Language: Galician
Eustaquia é unha planta ben riquiña. Non, en serio, é simpatiquísima. De feito, so ten un pequenísimo defecto: precisa auga. Pero bueno, quen non ten algún que outro pequeno defecto? Eu, sen ir máis lonxe, non me lembro nin do que cenei onte… e moito menos de se reguei ou non á pobre Eustaquia.
Isto ten que rematar. Eustaquia merece unha vida mellor. Quizais cunha plaquiña que leve a máquina virtual de Erlang (GRiSP), un sensor para medir a humidade da terra e un mini proxecto, podamos atopar a solución.
Acompañádeme nesta aventura?
Introductorio
Son enxeñeira informática. Non levo moitos anos traballando, uns 4 máis ou menos. Mais os que levo os traballei: de backend en Barkibu; de analista de datos en Vegalsa-Eroski; e actualmente intento ser full-stack traballando con sistemas embebidos con Erlang en Peer Stritzinger GmbH. Encantanme as linguaxes BEAM como Erlang e Elixir: tanto a nivel técnico e conceptual como pola súa incrible comunidade.
Ademais, tamén son estudante de Psicoloxía, algo que, sen dúbida, me axuda un montón no mundo da informática :)