2025-06-14 –, Track Raiola Networks
Language: Galician
A realidade aumentada leva anos dispoñible, pero o seu uso segue a ser moi limitado. No ámbito da arte urbana, ofrece un potencial enorme, xa que permite crear e exhibir obras en espazos públicos sen os elevados custos da produción física, sen necesidade de permisos, etc. Pero a principal barreira segue sendo o acceso á tecnoloxía por parte dos artistas e do público xeral.
ARRUAR busca superar este obstáculo a través da posta a disposición de aplicacións webs moi sinxelas para artistas e usuarios, que faciliten a publicación e visita deste tipo de obras dixitais. Sen necesidade de instalar nada no espazo físico nin nos dispositivos móbiles, ARRUAR é un itinerario de arte dixital integrado na cidade. Esta iniciativa ofrece un espazo accesible para a creación e a experimentación artística en realidade aumentada, permitindo que artistas e cidadáns interactúen con obras dixitais en grandes espazos urbanos.
ARRUAR está a ser desenvolvido en Santiago de Compostela con artistas dos ámbitos do muralismo e a ilustración. Na nosa charla, explicaremos o proceso de conceptualización e execución do proxecto, a tecnoloxía empregada, os retos que afrontamos e as oportunidades que abre para a arte e a tecnoloxía no espazo público.
Introductorio
Desenvolvemento de negocio en Despunte.
Somos makers profesionais: combinamos creatividade, enxeñaría e 3D para dar vida a ideas e solucións funcionais.
· Imaxe e vídeo 3D para comunicación técnica e científica
· Realidade aumentada (AR)
· Deseño para impresión 3D
· Proxectos a medida nos ámbitos da industria, educación e cultura